Press "Enter" to skip to content

හෝමෝන නිසා ඇති වන බර වැඩිවීම පාලනය කරගන්නේ කොහොමද?

සිරුරේ බර, තරබාරුව වැඩි කරගන්න එක ලේසි වුණාට, බර සහා ඇඟ අඩු කරගන්න එක එතරම් ලේසි දෙයක් නම් නෙවෙයි. ගොඩක් අය හිතන්නේ තරබාරු වෙන්නේ කන ආහාර නිසා කියලා. නමුත් මානසික ආතතිය, වයස, ජාන සහ දුර්වල ජීවන රටා වැනි විවිධ සාධක මත තරබාරුකමට තුඩු දෙන හෝමෝන අසමතුලිතතා ඇති වෙන්න පුළුවන්. ඉතින් අද කියන්න යන්නේ එලෙස ඇති විය හැකි හෝමෝන අසමතුලිතතා සහ ඒවා පාලනය කරගන්නේ කොහොමද කියලා.

ඉන්සියුලින් හෝමෝනය

මෙය අග්න්‍යාශය මගින් ස්‍රාවය කරන හෝමෝනයක් වන අතර ග්ලූකෝස් සෛල තුළට ශක්තිය ලෙස භාවිතා කිරීමට හෝ මේදය ලෙස ගබඩා කිරීමට උදව් වෙනවා. ඉන් ඔබේරුධිරයේ ග්ලූකෝස් මට්ටම නිසියාකාරව පවත්වා ගන්නවා. මධ්‍යසාර සහ කෘතීම ආහාර මඟින් ඔබේ සිරුරේ ඉන්සියුලින් වලට ප්‍රතිරෝධයක් ඇති කළ හැකියි. ඒ දේවල් රුධිරයේ සීනි මට්ටම ඉහළ යාමට හේතු වන අතර බර වැඩිවීමට සහ දෙවන වර්ගයේ දියවැඩියාවට ද හේතු වෙනවා.

මෙම හෝමෝන තත්වය පාලනය කිරීමට

  • ඔමේගා-3 මේද අම්ල මට්ටම වැඩි දියුණු කිරීම සඳහා මේද මාළු, ඇට වර්ග, ඔලිව් තෙල්, හණ ඇට ආහාරයට ගන්න.
  • සිරුර වෙහෙස වැඩ කරන්න, නැත්නම් ව්‍යායාම කරන්න
  • කොළ පැහැති එළවළු, පළතුරු කන්න
  • කෘතීම ආහාර ගැනීමෙන් වළකින්න

මෙලටොනින් හෝමෝනය

මෙය නින්ද සහ අවදිවීම නියාමනය කරන හෝමෝනයක්. ඒ වගේම නිදා සිටියදී ශරීරය සුව කිරීමට, සිහින් මාංශ පේශි ගොඩනැගීමට උපකාරී වන වර්ධක හෝමෝනයක්.

මෙම හෝමෝන තත්වය පාලනය කිරීමට

  • නින්දට යාමට ආසන්නව ආහාර ගැනීමෙන් වළකින්න
  • ප්‍රමාණවත් නින්දක් ලබා ගන්න.
  • අඳුරු සීතල කාමරයක නිදාගන්න.

ග්‍රෙලින් හෝමෝනය

ආමාශයෙන් ස්‍රාවය වන ග්‍රෙලින් කුසගින්නට බලපාන හෝමෝනය මෙයයි. ග්‍රෙලින් ආහාර රුචිය උත්තේජනය කරන අතර මේදය තැන්පත් වීම වැඩි කරනවා.

මෙම හෝමෝන තත්වය පාලනය කිරීමට

  • දිනපතා ව්‍යායාම කරන්න.
  • සෑම පැය 2-3 කට වරක් අනුභව කරන්න.
  • ආහාර වේලකට මිනිත්තු 20 කට පෙර වතුර කෝප්ප 1½ ක් පානය කරන්න.
  • නැවුම් පලතුරු, එළවළු සහ ප්‍රෝටීන් අන්තර්ගත ආහාර අනුභව කරන්න.

තයිරොයිඩ් හෝමෝනය

තයිරොයිඩ් ග්‍රන්ථිය බෙල්ලේ පිහිටා අතර එය ශරීරයේ පරිවෘත්තීය පවත්වා ගැනීම සඳහා බලපාන T3, T4 සහ කැල්සිටොනින් හෝමෝන නිපදවනවා.

මෙම හෝමෝන තත්වය පාලනය කිරීමට

  • අයඩීකරණය කළ ලුණු ආහාරයට ගන්න.
  • හොඳින් පිසින ලද ආහාර අනුභව කරන්න. (අමු එළවළු ආහාරයට ගැනීමෙන් වළකින්න.)
  • විටමින් D අතිරේක ගන්න.
  • වට්ටක්කා ඇට වැනි සින්ක් අඩංගු ආහාරයට ගන්න

ටෙස්ටොස්ටෙරෝන් හෝමෝනය

මෙය මේදය දහනය කිරීමට, අස්ථි හා මාංශ පේශි ශක්තිමත් කිරීමට සහ ලිබිඩෝ වැඩි දියුණු කිරීමට උදව් වෙනවා. වයස සහ අධික ආතතිය නිසා කාන්තාවන්ගේ ටෙස්ටොස්ටෙරෝන් මට්ටම සැලකිය යුතු ලෙස අඩුවිය හැකි අතර අස්ථි ඝනත්වය නැතිවීම, මාංශ පේශි ස්කන්ධය නැතිවීම සහ තරබාරුකම ඇති වෙනවා.

මෙම හෝමෝන තත්වය පාලනය කිරීමට

  • නිතිපතා ව්‍යායාම කරන්න.
  • මත්පැන් පානය කිරීමෙන් වළකින්න.
  • ප්‍රෝටීන් අතිරේක ආහාරයට ගන්න .
  • ධාන්‍ය වර්ග, වට්ටක්කා ඇට සහ හණ ඇට වැනි තන්තු බහුල ආහාර ඔබේ ආහාර වේලට එකතු කර කරන්න.

Be First to Comment

Leave a Reply

Your email address will not be published. Required fields are marked *